როგორ ავიცილოთ თავიდან მილების გაყინვა

ცივ ამინდში, როდესაც ტემპერატურა ეცემა, აქტუალური ხდება სახლში მილების შეფუთვისა და ყინვისგან დაცვის საკითხი. წყალი მილებში იყინება მაშინ როდესაც ტემპერატურა 4°C-ზე დაბლა ეცემა. გაყინვასთან ერთად ფართოვდება 10% -ით და ქმნის უამრავ პრობლემას: ბზარებს, გაჟონვას, რაც, რა თქმა უნდა, ფინანსებთან არის დაკავშირებული. როგორ გავუმკლავდეთ მილების გაყინვის პროცესს? მიუხედავად იმისა, თუ რომელ ქვეყანაში იმყოფებით, აუცილებელია მიიღოთ ზომები, რათა თავიდან აიცილოთ გაყინული მილები, განსაკუთრებით მაშინ, თუ ეს გათბობის ქვაბის სისტემას ეხება. გთავაზობთ 5 ეფექტურ გზას გაყინული მილების თავიდან ასაცილებლად:

1.არ გამორთოთ სითბო
მაშინაც კი თუ სახლიდან რამდენიმე დღით ან კვირით აპირებთ გასვლას. მიუხედავად იმისა რომ თერმოსტატი არ უნდა იყოს დაყენებული კომფორტულ საცხოვრებელ ტემპერატურაზე, თქვენ უნდა შეინახოთ 10°C-ზე.

2.დალუქეთ ხვრელები მილების გარშემო
სითბო შეიძლება დაიკარგოს, როდესაც შიდა და გარე კედლებზე მილების გარშემო ხვრელებია. ამ ადგილების ამოვსება დაგეხმარებათ სითბოს შენარჩუნებაში.

3.მილების იზოლაცია შესაბამისი მასალით ხშირად მილები გვხვდება სარდაფებში, სხვენში ან ავტოფარეხში, სადაც უფრო ცივა. ამიტომ აუცილებელია მილების შეფუთვა. იზოლაცია მოქმედებს, როგორც ბარიერი, ხელს უშლის ცივი ჰაერის შიგნით შეღწევას და თბილი ჰაერის გამოსვლას.

4.შიდა კარები დატოვეთ ღია მდგომარეობაში
შიდა კარების დახურვის ნაცვლად, დატოვეთ ისინი ღია, რათა სითბომ უფრო თავისუფლად გაიაროს მთელ სახლში. ეს ხელს უწყობს ზედმეტად თბილი ან ცივი ადგილების თავიდან აცილებას.

5.წყალმომარაგების სისტემის იზოლაცია გათბობის კაბელების გამოყენებით
გათბობის კაბელი არის სპეციალური გამათბობელი მასალა, რომელიც სპირალურად ეხვევა მილის ზედაპირს. როდესაც სპირალი იმდენად ცივდება, რომ მილს გაყინვის საშიშროება ემუქრება, თერმოსტატი რთავს ელექტრო დენს, რომელიც მილების სითბოს უზრუნველყოფს.

წყარო: https://www.yourhomesolutions.com/blogs/home-solutions-blog/5-tips-for-preventing-frozen-boiler-pipes